Mir si lo säit 24 Stonnen neess doheem.
Ganz pünktlech si mer den 19. Dezember um 23.00 Auer erëm zu Lëtzebuerg geland. De Bopa war eis op de Findel siche komm an de Yann ass him an d’Äerm geflunn! Mir ware wierklech frou eis erëmzegesinn!
Mir sin heem an d’Réngbaach gefuer, wou d’Boma ongedëlleg op eis gewaart huet an alles ganz schéin fir eise Retour gemaach hat! Eis nepalesesch Gebietsfändelen hun eis wëllkomm geheescht, iwwerall hu Käerze gebrannt, d’Haus huet vu Wäitem schon heemeleg geliicht. Mir ware ganz geréiert!
Wéi mer erakomm sin, war et, wéi wa mer di éischte Kéier géifen erakommen: Alles nei an awer vertraut. A grouss!!! Wat vill Plaz! D’Sophie an de Yann sin nach bis no 2 Auer an der Nuecht ganz frou an opgedréit ronderëm gebëselt, hun hir grouss Legoskëschten ausgepaakt a sech 10mol anescht verkleed.
De Moien hun ech och nach alles heiheem mat ganz aneren An gesin: Sou vill Telleren am Tirang! Eis Douche geet richteg gutt! Moment, ech kann d’Krunnewaaser roueg drénken! An ech stoung eng hallef Stonn virum Kleederschaf bis ech mech decidéiert hat eng Jeans an ee Plover unzedin…
Mir hu mat eise Geschwëster telefonéiert a freeën eis fir si an deenen nächsten Deeg ze gesinn. De Mëtteg koume meng léif Frëndinnen Claudine a Betty spontan op Besuch fir op eise Retour ze prosten an dat war schéin! Ech sin och ganz frou meng aner Frënn a Kolleegen geschwënn erëmzegesinn fir deen neitsten Klaatsch und Traatsch gewuer ze gin!
Ech wollt awer och nach séier enger Rei Leit MERCI soen: All deenen, déi eis encouragéiert hun, eisem Dram ze realiséiren a mat eis geféiwert hun virun a während der Rees. Merci och menger Inspektesch, déi mir ganz selbstverständlech mai Congé an den enseigenement à domicile fir d’Kanner accordéiert huet. Merci menge léiwen Aarbechtskolleegen, déi heiheem d’Stellung gehalen hun, mir sin eng flott Equipe ?! Merci der Aktiounsschmëtt fir all topech Photo a Kommentar dee si geschéckt hun ?, ech war ëmmer live dobäi! Dee gréisste Merci geet awer u meng Geschwëster a virun allem meng Elteren: Si hun eis sécher net sou gär gesi fortgoen, mee si hun heiheem eis sou vill ënnerstëtzt, dass mir eis Zäit wierklech konnte genéissen! Si hu ganz selbstverständlech all di ondankbar Aufgaben iwwerholl, hu sech ëm d’Haus bannen a baussen bekëmmert, hu lästeg Paperassen, Korrespondenz a Rechnungen gereegelt an, an, an, an! Mir hu Chance iech ze hun! Hun iech gären! ?
Den Alldag wäert eis gläich zréck hun, mee trotzdeem wäert eis Reess ee markant Erliewnis an eisem Liewe bleiwen. Wat d’Sophie an de Yann dovu wäerte mathuelen weist eis d’Zäit. Mir brauchen sécher nach eng ganz Zäit fir di vill Andréck ze verschaffen.
Ëmmer erëm tauche Biller vun eisen exotesche Destinatiounen a mengem Kapp op an ech ka bal net gleewen dass mir di Saache wierklech gesinn an erliewt hun, an ech kann och bal net gleewen, dass eis Reess lo schon eriwwer ass. Mee sou ganz eriwwer ass se jo net, well mir wäerten nach laang dovun hun.
Lo fänkt dat un, fir dat den David ee schéint Wuert erfonnt huet: Nachfreude.
Hei hu mer nach 2 an 1/2 Nuechten an deem selwechten Hotel geschlof wéi e puer Woche virdrun. An do huet et eis no eiser Rou a Fräiheet op deenen anere polyneseschen Inselen net méi richteg gefall.
D’Buschauffeuse huet eppes vun “femme très jeune, asiatique, si vous comprenez ce que je veux dire, n’a pas l’air très brillante” gegrommelt an den Jack an ech hun eis op d’Sich gemaach a kuerz drop d’Tonga erëm fonnt. Den Jack hat mer schon alles iwwert seng Fra erzielt: Si koum aus der Mongolei, hat awer och e puer Joer an Däitschland gewunnt an huet elo mat him zesummen di ganz Welt bereest. Ausser dass d’Tonga eebe kee GPS agebaut hat, war hatt awer ganz léif an huet a gebrachenem Däitsch erzielt, dass eng mongolesch Frëndin vun him zu Iechternach eng Pizzeria hätt. Jo, d’ Welt ass kleng. Den Jack sot zum Schluss mat senger knaarzeger Stëmm a sengem breeden amerikaneschen Accent: “Well, Ann Marie from Luxembourg, mörssi bouku. I don’t know what that means, but it sounds nice.”
Et gëtt just e puer Pensiounen oder kleng Hotelen. Et gëtt eng Strooss vun 20km, déi an impeccablem Zoustand ass, sou wéi iwwerhaapt di ganz Insel (ganz anescht wéi zu Rangiroa), ee Genoss! D’Haiser sin all an der Rei, mat Beem voller Blummen am Gaart. Autoen gin et der net vill, d’Leit fuere mam Velo a ruffen ia orana a laache léif.
Et war ee Restaurant dobäi wou hire Mann gekacht huet a si war fir d’Pâtisserie zoustänneg. D’Leit si vun der ganzer Insel laanscht komm fir hei hir Desserten ze kafen. Mir waren direkt op der stengener Plage wou eng Rei Ligestill stoungen, déi schon 100mol gefléckt waren.
D’Produktioun vun deene wonnerschéine Pärelen ass wierklech eng Konscht fir sech. Et gëtt och just 1 Schoul op der Welt fir d’Handwierk vum “Bepärelen”, oder wéi soll een dat nennen, ze léiren, an dat ass hei zu Rangiroa.
Den zerklüften Vulkan an der Mëtt, d’Lagun an deene schéinste Faarwen a ronderëm di wäiss Koralleketten un där sech d’Wellen aus dem Pazifik briechen… Den Accueil um klenge Flughafen mat der Blummeketten war den Tëppelchen um i.
Mir haten ee relaxe Programm mat Mini-Golf, Kayak, Schnorchelen an hirem Koralle-Gaart, di eemoleg Aussiicht genéissen a Cocktaile schlürfen. Ech hat di ganzen Zäit dat dämlecht Lidd “Do you like Piña Colada?” am Kapp…
Do sëtzen d’Kanner mam David drop a schnëssen non-stop a laachen a jiipsen wann ech ëm d’Kéier fueren. Doheem géif ech mech mol net trauen esou iwwert de Schéckelt bis op Bëschrued ze fueren, hei fanne mir dat ganz normal. Op de Stroosse si vill Hénger an Hënn ënnerwee a vill Erwuessener a Kanner mam Velo, déi wénken a laachen oder Saache (Frechheeten??!) ruffe wann ee laanscht fiert.
D’Südinsel gëtt och “the magic island” genannt, hat eng neiseelännesch Koppel eis virun der Traversée gesot, si wier nach vill méi schéin wéi d’Nordinsel. Scho virun eiser Arrivée zu Picton hu mer dat och scho gegleewt.
Si ass virun allem bekannt wéinst hirem whale-watching. Jonk Pottwal-Bullen sin d’ganzt Joer do ze fannen, well et bei der Küst virun Kaikoura direkt e puer Kilometer déif ratschteg erof geet. Perfekt Konditiounen fir d’Pottwalen fir 2-3km erof ze tauchen an no Kraken, hirem Lieblingsschmaus ze sichen. 
D’Piloten hun eis gesot, et géif dee Moien zwar net gutt ausgesinn; bei hire Vole virdrun hate si “just” Delfine gesinn. Mir waren trotzdeem interesséiert. Ganz onkomplizéiert konnten d’Sophie, de Yann an den David dunn eng knapp Stonn mat engem Piper PA28 iwwert d’Mier dréien. Wéi de Pilot héiren huet, dass den David am selwechte Metier wier, huet hien insistéiert, dass den David op der Chef-Plaz sollt sëtzen a selwer sollt fléien.
Hien huet dat och souverain gemaach, obwuel hien nach ni op deem Tipp Fliger geflu war an och seng läscht Stonnen op der Cessna si schon eng Zäit hier… Leider waren tatsächlech keng Walen um Rendezvous, trotzdeem sin di 3 ganz zefridden dono aus dem klenge Fliger geklommen!
An dëser Géigend huet et eis extra gutt gefall. Et war zimlech waarm a schéint Wieder.
Um Lake Tekapo ware mer erop bei een Observatoire gefuer, wou een am Dag eng herrlech Vue op d’Géigend ronderëm huet an an der Nuecht dee klore Stärenhimmel ka bewonneren, well d’Loft net dréif vu Luuchten ass, well et wäit a breed keng Stied ronderëm gëtt.
Mir hun eis dofir entscheed an dat war di beschten Decisioun déi mer huele konnten!! Et ass magesch do, och wann een natierlech dat Naturspektakel net alleng erliewt, mee mat enger Rei aneren Touristen zesummen… 
op Wellington gefuer ganz an de Süden vun der Nordinsel. An 3 Stonne si mer mat der Fähr op d’Südinsel gefuer. D’Mier war roueg an d’Vue wonnerschéin!
